خواطر مني لأحسن عشر أعضاء هدية من أشير الشعر

هذه خواطر أسير الشعر و حكمة قالها الأهل همس الإيمان إنشاء الله تعجب كل إنسان
هذه باسمة ردو بالكم راهي المديرة لي زعفها تنحلو العضوية و تردو صحراء بلا عقال مواضيعها ضريفة و ردودها مليحة خفيفة كالفراشة من دخلتها عرفتها بنت دزاير حرة و قوية متحجبة أكيد و ليست ضعيفة الإيمان الله يحفضها مي ما عرفتش بنت الصحراء أو التل البحري و الوديان

هاكم الصح خويا hamada معريفة الصغر و ولد الجيران قال من سوف بلاد النيف و الصحراء و الغيطان عزيز . مول اللمة هذه الكل و بدونه ما يمشيش همس الإيمان الله يعينه و يحفضه ربان السفينة و قائدنا الهمام مديرنا العزيز ردودو تقول عليها خاتم نتاع سلطان و السكايب معاه ديما خدام أدعولو ربي يوفقو في حياته و دراستو و منتدى همس الإيمان
كثرت على ههذين الأثين عزوتنا و مدراءنا الله يحفضهم لأني خايف على مستقبلي في همس الإيمان فكثرت عليهم الهدرة و الكلام على أساس ما يتقلبوش علينا في أخر الزمان و ما ننساش مديرنا mjx و لد تونس و الأحباب

و جينا ل mustapha ولد الجزائر و سليل أدرار داخل في المنتدى جارح حتى كلاسا
التغوزيام أي المرتبة الثالثة مكبد على فيفتي سانت و نسى ركبة الجمال كي قريت مواضيعه زادني في العلوم ودفعني للقدام و برامجو شوفوها و رجعولي الأخبار

و لحقنا ل daly لي تخطا 100 مساهمة في يوم أو ثلاث أيام مهوس بالألعاب و زيد مواضيع الطبخ حتى فلسنا بنات همس الإيمان حلتو تونسية زادة منتدانا جمال

أه يا karim راك حبيبنا و ولد الجيران من واد سوف بلاد الكومارس أي التجارة و الرجلة و الرجال و لي ما يعرفهاش يجينا و يشوف و نعطوه العنوان أغلب مواضيعه على السبور و ردودو تقولش زلزال

و جينا لناس لحنان و العقالة و صى عليهم الرسول ص نقصد إبن النيل16 ولد مصر و الأهرام
مواضيعه ترد الروح و سيرتو كي يحكي على الأولاد و تقول من معريفتو ما زال في أمة محمد ص الأمان الله ينصرك و ينصرنا و ينصر ديننا و نبينا ونحطوا إسرائيل و من أعانها تحت القدم و السباط أي الحذاء و ندخل جامع القدس كي زمان

ziziou1991 دخلتها بالدين و الطبخ مواضيعها راهم كل مهمين لسونسيال كوكتال لهجتها الله أعلم مصرية لكن معنديش البيان المهم عربية و بنت الإسلام ردودها تقولشي عسل أو نوار
مازلنا مع الناس مجهولين و راني على القلب الطيب صاحبة العفة و الردود الخفاف حتى كلاسات الثامنة و ما ننساش بارك الله فيها على مواضيع الإسلام

و جينا لناس الصح و عقلها يوزن بلاد mjx أخي مجاهد و لد سفاقس الزيتونة و القيروان لغاب من زمان هو التاسع و خمسة و عشرين موضوع مي الكل مهمة حتى حطيتها مع كتب العلماء الكبار فيا حباب لي شافو يسلملي عليه بزاف و يقلو غيبتكم يا ناس تونس علينا تجيب الزعاف

جو بونس بلي تفكرو هل المخبوط واش راح يكتب على أسير الشعر بطل الكراتي و شاعر قديم من هذاك الزمان زعزعت كلماته المنتدى و العقول و الأذهان لاتي بالأبيات حتى فاتوه الشجعان و خلوه في العشرة لاريار

أحكام الدهر صعيبة و فراق الأحباب فيكم معريفة الصغر و فيكم من شهور على الخط و فيكم من يخفي أسرار و ناس غير من المنتدى المهم إنشاء الله يجمع الله المسلمين كيما جمعنا
في منتدى همس الإيمان

هام : ترقبو عن قريب فلاش لهذه الخاطرة .
و أنا أنتضر ردودكم
و أي واحد لم يفهم عبارة يضعها كرد و أنا أو حمادة سيشرحها بكل سرور
نرجو أن تنال إعجابكم و نعتدر على أي إساءة غير مقصودة و الأعضاء الذي
ليسو من العشرة أرجو أن يجتهدو و يكونو منهم
و أخر كلمة :
يا أحباب هذا منتدى همس الإيمان مالا قدمو للميدان و كونو من العشرة الشجعان أسير الشعر